اِسی باعث قلم سے وصف کرتے ہیں رٙقم تیرا،،،،

نہایت پُر خطا ہیں، نام لیں کس منہ سے ہم تیرا۔۔۔۔

یہ ماضی، حال، مستقبل فقط کہنے کو ہیں میرے،،،،

اٙزل تیرا، اٙبد تیرا، موجود و عدم تیرا۔۔۔۔

اِلٰہُ العٙالٙمِیں تُو ہے، بشر تیرے ، ملک تیرے،،،،

زمیں تیری، فلک تیرا، عرب تیرا، عٙجٙم تیرا۔۔۔۔

بٙجُز تیرے نہیں کوئی بھی میرا دین و دنیا میں،،،،

دو عالٙم میں سہارا مجھے تیری قسم، تیرا۔۔۔۔

ہے کسی کے حُسنِ نادیدہ کی جانب اِک اشارہ ہے،،،،

گُلِستاں میں یہ اِک جھونکا نسیمِ صبحِ دم تیرا۔۔۔۔

تیرے ہونے کو ثابت کر رہا ہے جھومنا اِس کا،،،،

زمیں پر ہے شجر کے رُوپ میں جُنبَاں عَلَم تیرا۔۔۔۔

بھلا مایوس کیوں لَوٹے نصیرِ بےنوا یا رب!،،،،

کُھلا ہے جب گدا و شاہ پر بابِ کرم تیرا۔۔۔۔

(پیر نصیر الدین نصیر)

(نوٹ)

وصف : “خوبی”۔

بجُز : “کے سِوا”۔

حُسن نادیدہ : “چھپا ہوا حُسن”۔

گلستاں : “باغ/ چمن”۔

نسیمِ صبح : “صبح کی ہوا/ تازہ ہوا”۔

شجر : “درخت”۔

جنباں : “لرزاں / متحرک”۔

مایوس : “نا امید”۔

بابِ کرم : “رحمت کا دروازہ”۔