دستِ نظر

جَب تک یہ سلسلہ رہے شام و پگاہ کا،،،،

ڈوبے نہ آفتاب ترے عِزّ و جاہ کا۔۔۔۔

آتا نہیں پسند اُسے خُلد کا سماں،،،،

خاکہ ہے جِس نظر میں تیری گردِ راہ کا۔۔۔

قلب و نظر کے فیصلے دو ٹوک ہو گئے،،،،

کیا پُوچھنا ہے آپ کی پہلی نِگاہ کا۔۔۔۔

مجھ ذرۂ حقیر کو بخشا یہ مرتبہ،،،،

فیضان دیکھئے میرے عاجِز پناہ کا۔۔۔۔

قلبِ حزیں کی اور ہو کیا قدر و مَنزلت،،،،

یہ بھی ہُوا شِکار تیری دام گاہ کا۔۔۔۔

یا رب! نصیر کی ہے تہہِ دل سے یہ دُعا،،،،

اِقبال اَوج پر ہو میرے کَج کلاہ کا

(پیر نصیر الدین نصیر)

(نوٹ)

پگاہ : “سحر /فجر”۔

عِزّ و جاہ : “عزت و مرتبہ”۔

خلد : “جنت”۔

حقیر : “بے وُقعت”۔

قلبِ حزیں : “غمزدہ دل”۔

اَوج : “بلندی”۔

کج کلاہ : “سلطان/محبوب”۔