ایسی تجلِّیاں ہیں کہاں آفتاب میں
ایسی تجلِّیاں ہیں کہاں آفتاب میں،،،،
اٙنوارِ خاص ہیں میرے جامِ شراب میں۔۔۔۔
یٙزداں نے مسکرا کے بڑی دیر میں لکھا،،،،
اِک لفظِ آرزو میرے دل کی کتاب میں۔۔۔۔
اب ذوقِ دِید میں ہے شعُورِ حیاتِ نٙو،،،،
جلووں کو احتیاط سے رکھو کتاب میں۔۔۔۔
محبوب تیرے حُسن سے غُنچوں کی آبرُو،،،،
خُوشبو تیرے بدن کی بٙسی ہے گلاب میں۔۔۔۔
ہے باغباں کی تِرچھی نظر اتنی بات پر،،،،
شعلوں کا ذکر آ گیا شٙبنم کے باب میں۔۔۔۔
ساغر کسی کی یاد میں جب اٙشکبار تھے،،،،
کتنے حٙسِین دن تھے جہانِ خراب میں۔۔۔۔
(ساغر صدیقی)
نوٹ :
یٙزدٙاں : (باری تعالیٰ کا صفاتی نام)۔
آبرُو : (عزت)۔
باغباں : (مالی/باغ کی رکھوالی کرنے والا)۔
اٙشکبار : (روتی ہوئی/غمزدہ)۔
(اِبنُ الاٙشرٙف)