جو بِچھڑا تھا وہ پیارا مِل گیا ہے

جو بِچھڑا تھا وہ پیارا مِل گیا ہے،،،،

خدا رکھے ، دوبارہ مِل گیا ہے۔۔۔۔

اُن آنکھوں کا اشارہ مِل گیا ہے،،،،

میرے دل کو سہارا مِل گیا ہے۔۔۔۔

خُدا ہے ناخدا بٙحرِ وفا میں،،،،

سفینے کو کنارہ مِل گیا ہے۔۔۔۔

ہوئی پوری میرے دِل کی تمنّا،،،،

مجھے بھی ڈٙر تمہارا مِل گیا ہے۔۔۔۔

لرزتی ہے شبِ غم کی سیاہی،،،،

میری آنکھوں کو تارا مِل گیا ہے۔۔۔۔

سُلگ اُٹھا ہے کیا کیا داغِ حسرت،،،،

میرے دِل کو شرارا مِل گیا ہے۔۔۔۔

چھپا تھا گیسوئے پُرخم میں اُن کے،،،،

دلِ مُضطر ہمارا مِل گیا ہے۔۔۔۔

نصیر اِک روز وہ بھی آ مِلیں گے،،،،

میرا اُن کا ستارہ مِل گیا ہے۔۔۔۔

(پیر نصیر الدین نصیر)

(نوٹ) :

ناخدا : (ملاح)۔

سفینہ : (کشتی)۔

گیسوئے پُر خٙم : (خمدار زلفیں)۔

مضطر : (بے چین)۔

(اِبنُ الاٙشرٙف💓)