دل ہے وہ دل جس میں تُو یا تیری آرزو رہے

قابلِ دید ہے وہ آنکھ جو محوِ جُستجو رہے۔۔۔۔

اے جانِ کائناتِ دل، ہے یہی مدّعائے دل،،،،

تیری نظر میں مٙیں رہوں، میری نظر میں تُو رہے۔۔۔۔

تُجھ کو یہ شوق ہے میرا جلوہِ حُسن عام ہو،،،،

مجھ کو یہ فکر ہے تیرے حُسن کی آبرُو رہے۔۔۔۔

اصلِ نماز ہے یہی، روحِ نماز ہے یہی،،،،

میں تیرے رُوبرُو رہوں، تُو میرے رُوبرو رہے۔۔۔۔

اعظم اُسے نہ کیوں بھلا ہو اپنی زندگی پہ ناز،،،،

جس کی زبان پہ رات دن یار کی گفتگو رہے۔۔۔۔

(اعظم چشتی)

نوٹ :

مٙحو : (کھو جانا، مٙگن ہو جانا)۔

آبرُو : (عزت)۔

رُوبرو : (سامنے موجود ہونا)۔

(اِبنُ الاٙشرٙف)