دل میں شعلے سے اُٹھے آہ رسا سے پہلے
دل میں شعلے سے اُٹھے آہ رسا سے پہلے،،،،
آتشِ عشق بھڑک اُٹھی ، ہوا سے پہلے۔۔۔۔
غنچۂ موج ہے ، گردابِ بلا سے پہلے،،،،
مُسکرا دیتے ہیں وہ مجھ پہ جنا سے پہلے۔۔۔۔
عِشق ، اور اس بتِ کافر کا الٰہی ! توبہ،،،،
نام بھی اُس کا اگر لو ، تو خدا سے پہلے۔۔۔۔
رازِ ہستی کو سمجھنا نہیں کارِ آساں،،،،
نہ کُھلا ہے نہ کُھلے گا یہ قضا سے پہلے۔۔۔۔
رُخ سے پہلے، تیری زلفوں پہ نظر جاتی ہے،،،،
واسطہ پڑتا ہے اس کالی بلا سے پہلے۔۔۔۔
اُن کو چاہو تو ذرا سوچ سمجھ کر چاہو،،،،
ظلم ڈھاتے ہیں وہ الطاف و عطا سے پہلے۔۔۔۔
چارہ گر ! ہے یہ ترا حرفِ تسلی تہہ دار،،،،
تو نے جینے کی دُعا دی ہے، دوا سے پہلے۔۔۔۔
اُن کے اِس طرزِ عمل نے مجھے ڈالا شک میں،،،،
دیر تک چپ وہ رہے ، عہدِ وفا سے پہلے۔۔۔۔
حشر میں چشمِ ندامت سے بنا کام نصیر،،،،
اَشک پر اَشک بہے عُذرِ خطا سے پہلے۔۔۔۔
(پیر نصیر الدین نصیر)
(نوٹ)
شعلے : “انگارے”
آتشِ عشق : “عشق کی آگ”
الطاف : “مہربانی /نوازش/ کرم”
اشکِ ندامت : “شرمندگی کے آنسو”
(ابن الاشرف💓)