رنگ پر آئے جُنوں، خٙلق میں افسانہ بنوں
رنگ پر آئے جُنوں، خٙلق میں افسانہ بنوں،،،،
تُم جو دیوانہ کہو مجھ کو، تو دیوانہ بنوں۔۔۔۔
بے خودی میرا قرینہ ہو، کہ فرزانہ بنوں،،،،
کوئی صورت ہو، مگر اُن سے نہ بیگانہ بنوں۔۔۔۔
غم کی رُوداد بنوں درد کا افسانہ بنوں،،،،
تم بناؤ جو محبت میں تٙو میں کیا نہ بنوں۔۔۔۔
بادہِ حُسن وہ چھلکائیں تو گُلشن میں ذرا،،،،
ہر گُلِ تٙر کی تمنّا ہے کہ پیمانہ بنوں۔۔۔۔
مجھ کو مُدّت سے یہ اٙرماں ہے کہ اُلٹٙیں وہ نقاب،،،،
دولتِ حُسنِ خُداداد کا نذرانہ بنوں۔۔۔۔
سوز نے شمع کی مانند جٙلا رکھا ہے،،،،
پٙر بھی مِل جائیں تو میں شمع سے پروانہ بنوں۔۔۔۔
وہ تو سٙو رنگِ جُنوں بخش گئے مجھ کو نصیر،،،،
اب یہ مجھ پر ہے کہ دیوانہ بنوں یا نہ بنوں۔۔۔۔
(پیر نصیر الدین نصیر)
(اِبنُ الاٙشرٙف)