تُو اگر بے نقاب ہو جائے
تُو اگر بے نقاب ہو جائے،،،،
جُستجو کامیاب ہو جائے۔۔۔۔
عکس پڑ جائے جو تیرے رُخ کا،،،،
آفتاب آفتاب ہو جائے۔۔۔۔
دیکھ لے اِک نظر اگر ساقی،،،،
سادہ پانی شراب ہو جائے۔۔۔۔
چھوڑ دو میں اگر تمہارا دٙر،،،،
میری مٙٹّی خراب ہو جائے۔۔۔۔
ہاتھ رکھ دو جو تم میرے دل پر،،،،
درد کا سَدِ باب ہو جائے۔۔۔۔
اُن کی آنکھیں جو آئیں گردش میں،،،،
رُونما اِنقلاب ہو جائے۔۔۔۔
شرح عشق و وفا لکھے جو نصیر،،،،
اچھی خاصی کتاب ہو جائے۔۔۔۔
(پیر نصیر الدین نصیر)
نوٹ :
سدِّ باب : (خاتمہ/تدارک)۔
(اِبنُ الاٙشرٙف)