ہم بے خود و سٙرشار سدا زندہ رہیں گے

ہم بے خود و سٙرشار سدا زندہ رہیں گے،،،،

حالات کے میخوار سدا زندہ رہیں گے۔۔۔۔

کچھ واقفِ آدابِ محبت نہیں مرتے،،،،

کچھ صاحب اسرار سدا زندہ رہیں گے۔۔۔۔

ہے میرا جنوں عظمتِ دٙوراں کی کہانی،،،،

عظمت کے طلبگار سدا زندہ رہیں گے۔۔۔۔

نسبت ہے جہاں میں غمِ انساں سے جن کو،،،،

وہ دیدہءِ بیدار سدا زندہ رہیں گے۔۔۔۔

شعلوں میں مہکتے ہوئے غُنچے بھی ہیں ساغر،،،،

ظُلمات میں اٙنوار سدا زندہ رہیں گے۔۔۔۔

(ساغر صدیقی)

نوٹ :

بے خود : (بے ہوش/اپنے آپ سے بیگانہ)۔

دِیدہءِ بیدار : (حقیقت دیکھنے والی آنکھ)۔

ظُلمات : (اندھیرے)۔

اٙنوار : (روشنی)۔

(اِبنُ الاٙشرٙف)