شکوہ کسی سے کیا کریں بے دادِ یار کا

افسانہ کیا سنائیں دلِ بے قرار کا۔۔۔۔

اے ہم نشیں! نہ پوچھ کہ مدّت کے بعد آج۔۔۔۔

منہ دیکھنا نصیب ہوا ہے بہار کا۔۔۔۔

بن بن کے اٙشک بہہ گئے ارمان ہائے دل،،،،

کام آ گیا ہے رونا شبِ انتظار کا۔۔۔۔

بیگانۂ فِراق سے یہ تذکرہ نہ چھیڑ،،،،

ہم دل جلوں سے پوچھ مزہ انتظار کا۔۔۔۔

اعظم جنوں نے چھین لیے ہوش بھی میرے،،،،

ہر اِک سے پوچھتا ہوں پتہ کُوئے یار کا۔۔۔۔

(اٙعظم چشتی)

نوٹ :

بیداد : (ظلم)۔

فِراق : ( ہجر/جدائی)۔

جٙنُوں : (دیوانہ پن)۔

کُوئے یار : ( محبوب کا کوچہ)۔

(اِبنُ الاٙشرٙف)