آئینہ تیرا، چمن ہو جیسے
آئینہ تیرا، چمن ہو جیسے،،،،
تُو ہی تُو عکس فِگن ہو جیسے۔۔۔۔
دورِ حاضِر کا چلن ہو جیسے،،،،
حِیلہ سازی تیرا فَن ہو جیسے۔۔۔۔
غیر سے بات کا ڈھب تو دیکھو،،،،
اِس طرف رُوئے سُخن ہو جیسے۔۔۔۔
رات یُوں ہم کو نظر آئے تم،،،،
چاند کی پہلی کِرن ہو جیسے۔۔۔۔
بات میں لوچ ، نگاہوں میں لچک،،،،
ہر ادا اُن کی، دُلہن ہو جیسے۔۔۔۔
دِل کا یہ حال ہے مایوسی میں،،،،
کوئی غُربت میں مگن ہو جیسے۔۔۔۔
ہے فلک کب سے مُسلٙط ہم پر،،،،
سایۂ پیرِ کُہن ہو جیسے۔۔۔۔
یوں مہکتی ہے صبا گُلشن میں،،،،
تیری خوشبوئے بدن ہو جیسے۔۔۔۔
ایسی درماندہ ہے دل کی دھڑکن،،،،
تیرے لہجے کی تَھکن ہو جیسے۔۔۔۔
اِس طرح کِھنچ کے چلا آیا ہوں،،،،
تُم سے کچھ خاص لگن ہو جیسے۔۔۔۔
اِس قدر گردشِ دوراں کا خیال،،،،
آپ ہی کا وہ چلن ہو جیسے۔۔۔۔
آپ تو بیٹھے ہیں یوں جم کے نصیر،،،،
اُن کا کُوچہ ہی وطن ہو جیسے۔۔۔۔
(پیر نصیر الدین نصیر)
(نوٹ)
آئینہ : “شیشہ”۔
حیلہ سازی : “مکاری” ۔
ڈٙھب : “طریقہ”۔
مسلّط : “قابض”۔
درماندہ : ‘بے بس”۔
صٙبا : “خوشبودار ہوا”۔
گردشِ دوراں : “زمانے کا تغیُّر(بدلنا)”۔
(اِبنُ الاٙشرٙف)