زندگی رٙقص میں ہے جھومتی ناگن کی طرح

زندگی رٙقص میں ہے جھومتی ناگن کی طرح،،،،

دل کے اٙرمان ہیں بٙجتی ہوئی جھانجھن کی طرح۔۔۔۔

زُلف رُخسار پہ بٙل کھائی ہوئی کیا کہنا،،،،

ایک گٙھٹا چھائی ہوئی چٙیت میں ساون کی طرح۔۔۔۔

بٙحرِ اُمید میں جب کوئی سہارا نہ ملا،،،،

میں نے ہر موج کو دیکھا تیرے دامن کی طرح۔۔۔۔

جس طرف دیکھیے ٹُوٹے ہوئے پیمانے ہیں،،،،

اب تو نغمات بھی ہیں نالہ و شٙیوٙن کی طرح۔۔۔۔

بارہا گردِشِ تقدیر کا عالٙم دیکھا،،،،

گٙیسُوئے یار کی بے نام سی اُلجھن کی طرح۔۔۔۔

انقلاباتِ بہاراں میں قفس بھی ساغر،،،،

میں نے جلتے ہوئے دیکھا ہے نشٙیمن کی طرح۔۔۔۔

(ساغر صدیقی)

نوٹ :

نالہ و شیون : (گریہ و زاری)۔

گِیسُوئے یار : (محبوب کی زلفیں)۔

نٙشیمن : (ٹھکانہ/مسکن)۔

(اِبنُ الاٙشرٙف)