ہر تمنّا کا چہرہ شٙفق فام تھا
ہر تمنّا کا چہرہ شٙفق فام تھا،،،،
وقت کے ہاتھ میں اٙمن کا جام تھا۔۔۔۔
زندگی کی صُراحی میں تھے قہقہے،،،،
ہر ستارہ یہاں میرا ہم کام تھا۔۔۔۔
موسمِ گُل میں نغمات جلتے رہے،،،،
غُنچہ غُنچہ لیے دٙرد کا جام تھا۔۔۔۔
میری آنکھیں سرورِ تمنّا لیے،،،،
تیری زُلفوں میں بھی کیفِ اِبہام تھا۔۔۔۔
یہ بھی دیکھا گلستان کے آئین میں،،،،
صٙید کا زخم صٙیّاد کا دام تھا۔۔۔۔
فکرِ ساغر سے زندہ رہی زندگی،،،،
کس قدر سٙرد احساس کا آلام تھا۔۔۔۔
(ساغر صدیقی)
نوٹ :
شٙفق فام : (آسمانی سرخی پہنے)۔
اِبہام : (غیر واضح)۔
صٙید : (شکار)۔
صٙیّاد : (شکاری)۔
آلام : (غم)۔
(اِبنُ الاٙشرٙف)