شرابِ ناب کے شیشے کا کاگ کھولا ہے
شرابِ ناب کے شیشے کا کاگ کھولا ہے،،،،
گرفت ساز سے ساقی نے راگ کھولا ہے۔۔۔۔
یہ کون بام پہ آیا ہے زُلف لہرا کر،،،،
یہ کس نے بام پہ آ کر بہاگ کھولا ہے۔۔۔۔
جہاں شعور کوئی مشورہ نہیں دیتا،،،،
وہاں حیات کے جٙوگی نے تیاگ کھولا ہے۔۔۔۔
نفس نفس میں ہے بے نام آرزو کی خٙلش،،،،
یہ زِیست ہے کہ سپیرے نے ناگ کھولا ہے۔۔۔۔
جٙلا کے اپنے نشٙیمن کی تیلیاں ساغر،،،،
ہمِیں نے گُلشنِ ہستی کا بھاگ کھولا ہے۔۔۔۔
(ساغر صدیقی)
نوٹ :
شرابِ ناب : (بھری ہوئی شراب)۔
کاگ : (درخت کی چھال)۔
بام : (چھت)۔
بہاگ : (راگ)۔
تیاگ : (دست بردار ہونا/ترک کرنا)۔
زِیست : (زندگی)۔
(اِبنُ الاٙشرٙف)