کس طرح کہوں، کیا کہوں، کیا دیکھ رہا ہوں

ہر حُسن کے پردے میں خدا دیکھ رہا ہوں۔۔۔۔

ہر شے میں اُسے جلوہ نُما دیکھ رہا ہوں،،،،

ہر ذرّے میں اُس رُخ کی ضِیاء دیکھ رہا ہوں۔۔۔۔

حیران ہوں کس قسم کی یہ جلوہ گری ہے،،،،

ہے سب میں مگر سب سے جُدا دیکھ رہا ہوں۔۔۔۔

ناصِح کی نظر میرے گناہوں پہ ہے لیکن،،،،

میں رحمتِ باری کی ادا دیکھ رہا ہوں۔۔۔۔

کِس شوخ نے اُلٹا ہے نقابِ رُخِ زیبا،،،،

کیوں وٙجد میں آج ارض و سٙماء دیکھ رہا ہوں۔۔۔۔

دیکھ اے دلِ ناداں کسی دھوکے میں نہ آنا،،،،

بدلی ہوئی دنیا کی ہٙوا دیکھ رہا ہوں۔۔۔۔

اعظم یہی تخلیقِ تمنا کا سبب ہے،،،،

اُس حُسن میں مٙیں نورِ خدا دیکھ رہا ہوں۔۔۔۔

(اعظم چشتی)

نوٹ :

ضِیاء : (روشنی)۔

ناصِح : (نصیحت کرنیوالا)۔

(اِبنُ الاٙشرٙف)