نام لے کر تیرا مرا کوئی
نام لے کر تیرا مرا کوئی،،،،
کر گیا عرضِ مُدّعا کوئی۔۔۔۔
کیا بتائے ؟ کہے تو کیا کوئی،،،،
غم کی ہوتی ہے انتہا کوئی۔۔۔۔
باتوں باتوں میں لے اڑا کوئی،،،،
دل کا ملتا نہیں پتہ کوئی۔۔۔۔
تیری آہٹ سمجھ کے دل چونکا،،،،
آئی کانوں میں جب صدا کوئی۔۔۔۔
اک قیامت ہے تیری انگڑائی،،،،
ٹوٹ جائے نا آئینہ کوئی۔۔۔۔
تیری باتوں کے تھے ہزار جواب،،،،
احتراماً ہی چپ رہا کوئی۔۔۔۔
دیر سے میکدے میں بیٹھے ہو،،،،
شیخ جی! جام بھی ملا کوئی۔۔۔۔
موت کو بھی گلے لگائیں لوگ،،،،
ہو جو اس میں تیری ادا کوئی۔۔۔۔
غم سے بڑھ کر ہے عرضِ غم پہ سکوت،،،،
کچھ تو کہتا برا بھلا کوئی۔۔۔۔
سب نہیں ہیں نصیر بیگانے،،،،
مل ہی جائے گا آشنا کوئی۔۔۔۔
(پیر نصیر الدین نصیر)
(نوٹ)
آہٹ : “آواز”
صدا : “آواز”
سکوت : “خاموشی”
(ابن الاشرف💓)