زمانے کے سب پیچ و خَم جانتے ہیں
زمانے کے سب پیچ و خَم جانتے ہیں،،،،
نہیں جانتے تُم ، جو ہَم جانتے ہیں۔۔۔۔
تُمہیں کیا خبر، جو گُزرتی ہے ہم پر،،،،
جو ہم پر گُزرتی ہے ، ہم جانتے ہیں۔۔۔۔
نہ مے سے ، نہ میں بے خبر لطفِ مے سے،،،،
یہ سب راز شیخِ حرم جانتے ہیں۔۔۔۔
نہ پہچاننے میں تو اِک مصلحت ہے،،،،
میرا نام وہ کم سے کم جانتے ہیں۔۔۔۔
دمِ مے کشی ، لاکھ اِغماض برتیں،،،،
ہمیں واعظِ محترم جانتے ہیں۔۔۔۔
اُنہیں میرے اچھے برے کی خبر ہے،،،،
وہ سب کُچھ خدا کی قسم جانتے ہیں۔۔۔۔
حقیقت تو یہ ہے ، ہم اہلِ وفا کو،،،،
بہت جان کر بھی وہ کم جانتے ہیں۔۔۔۔
اِک اِک سانس ہے صوت و آہنگ ہستی،،،،
ہم اس ساز کے زِیر و بَم جانتے ہیں۔۔۔۔
تُمہارے اِشارے ہیں معلوم ہم کو،،،،
تُمہارے تقاضوں کو ہم جانتے ہیں۔۔۔۔
وہ کتنے ہیں معصوم، کتنے ہیں ظالم،،،،
نصیر ! آپ کیا جانیں، ہم جانتے ہیں۔۔۔۔
(پیر نصیر الدین نصیر)
(نوٹ)
پیچ و خم : “مشکلات”۔
مصلحت : “دانائی”۔
اغماض : “لاپرواہی برتنا”۔
صوت و آہنگ : “ساز و آواز “۔
زیر و بم : “اتار چڑھاؤ”۔