سکوں مِلے نہ مِلے یا قرار ہو کہ نہ ہو

سکوں مِلے نہ مِلے یا قرار ہو کہ نہ ہو،،،،

چمن کی خیر الٰہی ! بہار ہو کہ نہ ہو۔۔۔۔

ہم اُس کے یار ہیں، وہ اپنا یار ہو کہ نہ ہو،،،،

ہمیں تو اُس سے ہے پیار، اُس کو پیار ہو کہ نہ ہو۔۔۔۔

اٹی ہوئی ہیں تلوّن کی دُھول سے نظریں،،،،

کِھنچے کِھنچے تو ہو، دل میں غُبار ہو کہ نہ ہو۔۔۔۔

تجھے تو اپنی ستم رانیوں سے مطلب ہے،،،،

تری بلا سے کِسی کو قرار ہو کہ نہ ہو۔۔۔۔

مجھے ہے تم سے محبت، مجھے ہے تم پہ یقیں،،،،

مری قسم کا تمہیں اعتبار ہو کہ نہ ہو۔۔۔۔

ہمارے دل کے ہو مالک تمہِیں دو عالم میں،،،،

تمہارے دل پہ ہمیں اختیار ہو کہ نہ ہو۔۔۔۔

اب آ گئے ہو ، تو کچھ دیر میرے پاس رہو،،،،

یہ اتفاقِ حسیں بار بار ہو کہ نہ ہو۔۔۔۔

گُلوں کے حال پر شبنم ضرور روئے گی،،،،

وہ آنکھ میرے لئے اَشکبار ہو کہ نہ ہو۔۔۔۔

نصیر ! شمع تو جلتی رہے گی محفل میں،،،،

بلا سے کوئی پتنگا نثار ہو کہ نہ ہو۔۔۔۔

(پیر نصیر الدین نصیر)

(نوٹ)

چمن : (باغ بمعنی دنیا)

تلوّن : (پاؤں کے تلوے)

اشکبار : (غمزدہ/ روتا ہوا)

(ابن الاشرف💓)