میری تُربت پہ ہے اٙنگشتِ بٙدٙنداں کوئی
میری تُربت پہ ہے اٙنگشتِ بٙدٙنداں کوئی،،،،
خاک میں مجھ کو ملا کر ہے پشیماں کوئی۔۔۔۔
رٙشکِ عیسٰی ہو کوئی، فخرِ سُلیماں کوئی،،،،،
ہو کے دیکھے تٙو گدائے درِ جاناں کوئی۔۔۔۔
اب نا وہ شورِ سٙلاسل ہے نہ آہوں کی صدا،،،،
لے گیا ساتھ ہی سب رونقِ زِنداں کوئی۔۔۔۔
مشعلِ راہِ وفا ہے میرا ذرّہ ذرّہ،،،،
کیوں میری خاک پہ کرتا ہے چراغاں کوئی۔۔۔۔
اُن کے چہرے سے نقاب اُٹھتے ہی دنیا بدلی،،،،
کوئی دامن ہے سلامت نہ گِریباں کوئی۔۔۔۔
ہے جبیں سائئ سنگِ درِ جاناں جو نصیب،،،،
آج کل اپنے مقدّر پہ ہے نازاں کوئی۔۔۔۔
پھر چلا کعبہ سے میں دٙیرِ بُتاں کو بیدم،،،،
نہ ہوا ہوگا میری طرح پشیماں کوئی۔۔۔۔
(بیدم وارثی)
نوٹ :
تُربٙت : (قبر)۔
انگشتِ بدنداں : (شدید حیران)۔
شٙورِ سٙلاسِل :(زنجیروں کا شور)
مِشعل : (چراغ)۔
جبِیں سائی : (سر جھکانا)۔
دیرِ بُتاں : (بُت خانہ)۔
پشیماں : (شرمسار)۔
(اِبنُ الاٙشرٙف)