تڑپ کر سوزِ دل کو جلوہ ساماں کر لیا میں نے

تڑپ کر سوزِ دل کو جلوہ ساماں کر لیا میں نے،،،،

بہت بے نُور تھی دنیا، چراغاں کر لیا میں نے۔۔۔۔

خدا رکھے یہ طرزِ جُور باقی، تم نہ شرماؤ،،،،

اب اپنی آرزوؤں کو پشیماں کر لیا میں نے۔۔۔۔

اُٹھا کر چوم لی ہیں چند مرجھائی ہوئی کلیاں،،،،

نہ تم آئے تو یُوں جشن بہاراں کر لیا میں نے۔۔۔۔

کسی کے اک تبسُّم پر اٙساسِ زندگی رکھ لی،،،،

شراروں کو نشیمن کا نگہباں کر لیا میں نے۔۔۔۔

ابھی تک بے کفن سی ہے میری وٙحشت کی عُریانی،،،،

یہ کس اُمید پر گھر کو بیاباں کر لیا میں نے۔۔۔۔

کبھی ساغر بکف میں وجد میں آیا جو لہرا کر،،،،

تو اپنے ساتھ دنیا کو بھی رٙقصاں کر لیا میں نے۔۔۔۔

(ساغر صدیقی)

نوٹ :

پٙشیماں : (شرمندہ)۔

عُریانی : (ننگا پن)۔

بکف : (مٹھی میں لیے ہوئے)۔

وٙجد : (بے خودی)۔

(اِبنُ الاٙشرٙف)