وقت جب اِنقلاب مانگے گا
وقت جب اِنقلاب مانگے گا،،،،
ہر نفَس کا حِساب مانگے گا۔۔۔۔
مُجھ کو پِینی تھی چشمِ ساقی سے،،،،
لوگ سمجھے شراب مانگے گا۔۔۔۔
کیجئے اُن پہ مَت ہُجومِ نگاه،،،،
اُن کا چہرہ نقاب مانگے گا۔۔۔۔
آپ اپنے ہیں، وہ تماشائی،،،،
کون کِس سے حِساب مانگے گا۔۔۔۔
آدمی وہ ہوَس کا پُتلا ہے،،،،
زِندگی بھر شباب مانگے گا۔۔۔۔
جام زاہِد کے پاس ہے اَب تک،،،،
پِھر یہ خانہ خراب مانگے گا۔۔۔۔
چشمِ ساقی نصیر ! اُٹھے تو سہی،،،،
پارسا بھی شراب مانگے گا۔۔۔۔
(پیر نصیر الدین نصیر)
(نوٹ)
انقلاب : “تبدیلی / بہتری”۔
چشمِ ساقی : “محبوب کی آنکھ “۔
ہوس : “لالچ”۔
شباب : “جوانی”۔
(اِبنُ الاٙشرٙف)