یا رب دلِ آوارہ کو جاؤں میں بِہلانے کہاں

یا رب دلِ آوارہ کو جاؤں میں بِہلانے کہاں،،،،

صحن چمن چُھوٹا اگر، ڈھونڈوں گا ویرانے کہاں۔۔۔۔

میخانے سے رغبت نہ تھی، جنت میں وہ وُسعت نہ تھی،،،،

اُٹھ کر تیرے دٙر سے بھلا جاتے بھی دیوانے کہاں۔۔۔۔

اب ہم سے یُوں ملتے ہیں وہ، جیسے شناسائی نہ تھی،،،،

پہلی سی وہ باتیں کہاں، پہلے سے یارانے کہاں۔۔۔۔

مانا کہ مرنے میں بھی کچھ جینے کی لذّت ہے مگر،،،،

جینا اگر مشکل نہ ہو تو جلتے ہیں پروانے کہاں۔۔۔۔

یہ بھی غنیمت ہے بٙھری محفل میں فرماتے ہیں وہ،،،،

اِس دٙور میں اعظم سے بھی ملتے ہیں دیوانے کہاں۔۔۔۔

(اعظم چشتی)

نوٹ :

شناسائی : (جان پہچان)۔

پروانے : (دیوانے/عشّاق)۔

(اِبنُ الاٙشرٙف)