دی زباں حق نے، ثنائے مصطفٰیﷺ کے واسطے

دی زباں حق نے، ثنائے مصطفٰیﷺ کے واسطے،،،،

دل دیا حُبِّ حبیبِ کِبریا کے واسطے۔۔۔۔

خُلد تو گھر ہے غلامانِ رسول اللّٰہﷺ کا،،،،

اور جہنُّم دشمنانِ مصطفٰیﷺ کے واسطے۔۔۔۔

اُن کے دٙر سے کوئی خالی جائے ، ہو سکتا نہیں،،،،

جن کے دروازے کُھلے ہوں ہر گٙدا کے واسطے۔۔۔۔

دل میں دردِ مصطفٰی سینے پہ داغِ مصطفٰیﷺ،،،،

کیا عٙجب ساماں مِلا روزِ جزا کے واسطے۔۔۔۔

میرے آقا کا مدینہ بھی ہے کیا دٙارُالشفاء،،،،

جس جگہ عیسٰی بھی آتے ہیں دٙوا کے واسطے۔۔۔۔

کب تلک تڑپے گا فُرقٙت میں آپکی یا نبیﷺ،،،،

اَب تو اعظم کو بلا لیجے خدا کے واسطے۔۔۔۔

(اعظم چشتی)

نوٹ :

خُلد : (جنت)۔

دارُ الشّفاء : (شفاء کا مرکز)۔

فُرقٙت : (ہجر/جدائی)۔

(اِبنُ الاٙشرٙف💓)