چُومی رِکاب اُٹھ کے کسی شہسوار کی
چُومی رِکاب اُٹھ کے کسی شہسوار کی،،،،
ہمّت تو دیکھیے میرے مُشتِ غبار کی۔۔۔۔
ہر شے میں دیکھتا ہوں جٙھلک حُسنِ یار کی،،،،
مشتاق کو تمیز نہیں نُور و نار کی۔۔۔۔
اے اِضطِراب پردۂ رازِ نِہاں نہ کھول،،،،
تجھ کو قٙسم ہے گوشۂ دامانِ یار کی۔۔۔۔
بجلی کی طرح مجھ کو تڑپنے سے کام ہے،،،،
تصویر ہوں میں اپنے دلِ بے قرار کی۔۔۔۔
بادِ صٙبا مٹاتی ہے میرے مزار کو،،،،
مِٹتی ہے یادگار تیرے یادگار کی۔۔۔۔
اچھا ہوا کہ حسرت و اٙرمان مِٹ گئے،،،،
اب چٙین سے کٹے گی دلِ بے قرار کی۔۔۔۔
بیدم جہاں میں صبحِ قیامت ہے جس کا نام،،،،
شاید وہی سٙحر ہے شبِ اِنتظار کی۔۔۔۔
(بیدم وارثی)
نوٹ :
رِکاب : (پائیدان)۔
مُشتِ غُبار : (مٹھی بھر خاک)۔
بٙادِ صٙبا : (ہوا کا جھونکا)۔
(اِبنُ الاٙشرٙف)