ہزار ضبط پہ بھی رازِ دل چُھپا نہ سکا

مٹایا لاکھ مگر داغِ دل مِٹا نہ سکا۔۔۔۔

تمام رات تڑپتے گزار دی میں نے،،،،

مگر یہ ضبط کے آنسو تلک بہا نہ سکا۔۔۔۔

جو تم بھی میری طرح بے قرار اگر ہوتے،،،،

تو یہ نہ کہتے کہ مجبور تھا میں ” آ نہ سکا”۔۔۔۔

خیال تھا کہ تجھے دل کا راز داں کر لوں،،،،

مگر یہ اُجڑا ہوا گلستان بسا نہ سکا۔۔۔۔

میں جانتا تھا کہ تم میرے بٙن نہیں سکتے،،،،

مگر یہ دل تیری اُلفت سے باز آ نہ سکا۔۔۔۔

سُنا چکا ہوں تُجھے دل کی واردات بہت،،،،

مگر ابھی تجھے پوری طرح سُنا نہ سکا۔۔۔۔

ہے میرے پہلو میں وہ غم نصیبِ دل اعظم،،،،

جو تجھ سے تیری محبت کی داد پا نہ سکا۔۔۔۔

(اعظم چشتی)

(اِبنُ الاٙشرٙف)