اِلٰہی کیوں نہیں سنتے وہ مجھ سے داستاں میری
اِلٰہی کیوں نہیں سنتے وہ مجھ سے داستاں میری،،،،
پسند آئی نہیں شاید اُنہیں طرزِ فغاں میری۔۔۔۔
کچھ ایسی درد میں ڈوبی ہوئی ہے داستاں میری،،،،
جو سنتا ہے، سمجھتا ہے کہ ہے یہ داستاں میری۔۔۔۔
نہ جانے کِس چشمِ نٙرگسِیں کا یہ تصوّر ہے،،،،
کہ بڑھتی جا رہی ہے سوزشِ دردِ نِہاں میری۔۔۔۔
یہ کیا اُلجھن سی ہے یا رب، یہ کیسا وقت آیا ہے،،،،
کہ اُنکا ذکر کرتے کرتے رُکتی ہے زُباں میری۔۔۔۔
نہیں معلوم اعظم کیا مصیبت آنے والی ہے،،،،
کہ دل کیساتھ ہی جاتی رہی تاب و تواں میری۔۔۔۔
(اعظم چشتی)
نوٹ :
طرزِ فُغاں : (آہ و بکا کا انداز)۔
چشمِ نٙرگسِیں : (خوبصورت آنکھ)۔
(اِبنُ الاٙشرٙف)