دل چُرا کر میرا اب آنکھ چُراتے کیوں ہو

دل چُرا کر میرا اب آنکھ چُراتے کیوں ہو،،،،

اپنے ناکامِ محبّت کو ستاتے کیوں ہو۔۔۔۔

جانا ہوتا ہے تو پھر بٙزم میں آتے کیوں ہو،،،،

میرے اٙرمانوں کا یُوں خون بہاتے کیوں ہو۔۔۔۔

بے سبب دل پہ میرے بٙرق گِراتے کیوں ہو،،،،

جِسمیں رہتے ہو اُسی گھر کو جلاتے کیوں ہو۔۔۔۔

مجھ کو ہے یاد ہر اِک جٙور تمہارا اب تک،،،،

تم مگر میری وفاؤں کو بُھلاتے کیوں ہو۔۔۔۔

میں وہ میکٙش ہوں جو آنکھوں سے پیار کرتا ہوں،،،،،

جام دِکھلا کے گنہگار بناتے کیوں ہو۔۔۔۔

میرے دٙم ہی سے تو ہےحُسن کی دنیا روشن،،،،

رہنے دو رہنے دو یہ شمع بُجھاتے کیوں ہو۔۔۔۔

داستاں عشق کی ہر ایک سے کہہ کر اعظم!،،،،

نٙرخ اس جِنسِ محبت کا گِراتے کیوں ہو۔۔۔۔

(اعظم چشتی)

نوٹ :

بٙرق : (بجلی)۔

جٙور : ( ستم)۔

میکٙش : ( شرابی)۔

(اِبنُ الاٙشرٙف)