یہ نہیں معلوم کوئی زِینتِ آغوش ہے
یہ نہیں معلوم کوئی زِینتِ آغوش ہے،،،،
بے نیازِ ہوش کتنا بے نیازِ ہوش ہے۔۔۔۔
عرضِ حالِ دل کا اس بزم میں اِک جوش ہے
،،،، دفترِ صد آرزو گویا لبِ خاموش ہے
۔۔۔۔ ساقی آنکھوں میں تیری وہ بادہِ سٙر جوش ہے
،،،، اِک نظر میں میکدہ کا میکدہ بیہوش ہے۔۔۔۔
روزِ وٙصلِ یار ہے کیسی قیامت، حشر کیا
،،،، ذرّہ ذرّہ آج پھیلائے ہوئے آغوش ہے۔۔۔۔
ایسے کھوئے ہیں کہ اپنا ہے نہ بیگانے کا ہوش
،،،، فکرِ فردا ہے نہ مستوں کو خیالِ دٙوش۔۔۔۔
جلوہ گاہِ ناز کے پردوں کا اُٹھنا یاد ہے،،،،
پھر ہوا کیا اور کیا دیکھا یہ کس کو ہوش ہے۔۔۔۔
عرصہءِ محشر میں اِک طوفان برپا کر دیا،،،،
قطرہِ خونِ دِل عاشق میں کتنا جوش ہے۔۔۔۔
وہ کہیں پِچھلے پہر آئیں گے بہرِ فاتحہ،،،،
شام ہی سے آج تو شمعِ لحد خاموش ہے۔۔۔۔
اُن کے رُخ سے پردہ اُٹھ جائے تو پھر معلوم ہو،،،،
کس کو کتنی بے خودی ہے، کس کو کتنا ہوش ہے۔۔۔۔
ایک بیدم ہی نہیں تیار مرنے کے لیے،،،،
جو تیرے کُوچہ میں ہے اے جاں! کفن بردٙوش ہے۔۔۔۔
(بیدم وارثی) نوٹ : زِینتِ آغوش : (گود کی زینت)۔ دفترِ صد آرزو : (بے بہا خواہشات)۔ بادہِ سٙرجٙوش : (صاف چھنی ہوئی شراب)۔ (اِبنُ الاٙشرٙف)