کاش میری جبِینِ شوق سجدوں سے سٙرفراز ہو
کاش میری جبِینِ شوق سجدوں سے سٙرفراز ہو،،،،
یار کی خاکِ آستاں تاجِ سرِ نیاز ہو۔۔۔۔
ہم کو بھی پائمال کر عمر تیری دراز ہو،،،،
مستِ خِرامِ ناز ادھر مشقِ خِرامِ ناز ہو۔۔۔۔
چشمِ حقیقت آشنا دیکھے جو حسن کی کتاب،،،،
دفترِ صٙد حدیثِ راز ہر ورقِ مجاز ہو۔۔۔۔
سامنے رُوئے یار ہو سجدہ میں سرِ نیاز،،،،
یونہی حریمِ ناز میں آٹھوں پہر نماز ہو۔۔۔۔
اسکے حریمِ ناز میں عقل و خِرد کو دخل کیا،،،،
جس کی گلی کی خاک کا ذرّہ جہانِ راز ہو۔۔۔۔
تیری گلی میں پا کے جا، جائے کہاں تیرا گدا،،،،
کیوں نہ وہ بے نیاز ہو تجھ سے جسے نیاز ہو۔۔۔۔
بیدم خستہ ہجر میں بن گئی جانِ زار پر،،،،
جس نے دیا ہے دردِ دل کاش وہ چارہ ساز ہو۔۔۔۔
(بیدم وارثی)
نوٹ :
پائمال : (برباد)۔
مستِ خِرام : (ناز و انداز سے چلنا)۔
مشقِ خِرام : (متحرک/محوِ رفتار)۔
عقل و خِرد : (عقل و شعور)۔
ہجر : (جدائی)۔
(اِبنُ الاٙشرٙف)