عٙدم سے لائی ہے ہستی میں آرزوئے رسولﷺ

عٙدم سے لائی ہے ہستی میں آرزوئے رسولﷺ،،،،

کہاں کہاں لیے پھرتی ہے جُستجوئے رسولﷺ۔۔۔۔

خوشا وہ دل، کہ ہو جس دل میں آرزوئے رسولﷺ،،،،

خوشا وہ آنکھ جو ہو محوِ حُسنِ روئے رسولﷺ۔۔۔۔

تلاشِ نقشِ کٙفِ پائے مصطفٰیﷺ کی قٙسم،،،،

چُنے ہیں آنکھوں سے ذرّاتِ خاکِ کُوئے رسولﷺ۔۔۔۔

پھر اُن کے نشۂ عِرفاں کا پوچھنا کیا ہے،،،،

جو پی چکے ہیں اٙزل میں مئے سبُوئے رسولﷺ۔۔۔۔

بٙلائیں لُوں تیری اے جذبِ شوقِ صلِّ علٰی،،،،

کہ آج دامنِ دِل کھنچ رہا ہے سُوئے رسولﷺ۔۔۔۔

شگُفتہ گُلشنِ زٙہرا کا ہر گُلِ تٙر ہے،،،،

کسی میں رنگِ علیؓ اور کسی میں بُوئے رسولﷺ۔۔۔۔

عٙجب تماشا ہو میدانِ حٙشر میں بیدم،،،،

کہ سب ہوں پیشِ خدا اور میں رُوبروئے رسولﷺ۔۔۔۔

(بیدم وارثی)

نوٹ :

عٙدٙم : (موجود نا ہونا)۔

نشہءِ عِرفاں : (معرفت کی بے خودی)۔

مئے سبُو : (شراب کا پیالہ)۔

شگُفتہ : (تروتازہ)۔

رُوبرُو : (آمنے سامنے)۔

(اِبنُ الاٙشرٙف💓)