بندہ مٹ جائے نہ آقا پہ، وہ بندہ کیا ہے؟

بندہ مٹ جائے نہ آقا پہ، وہ بندہ کیا ہے؟،،،،

بے خبر ہو جو غلاموں سے وہ آقا کیا ہے۔۔۔۔

مجھ کو پکڑیں جو قیامت میں فرشتے تو کہیں،،،،

تُو نے دنیا میں عمل نیک کیا کیا کِیا ہے؟۔۔۔۔

میں یہ رو رو کے پکاروں میرے آقا آنا،،،،

ورنہ اِس دٙرد بھرے دل کا ٹھکانہ کیا ہے۔۔۔۔

میں سیّہ کار جو چِلّاؤں تو غٙوغہ سن کر،،،،

لوگ آ جائیں کہ دیکھیں یہ تماشا کیا ہے۔۔۔۔

جمگھٹا دیکھ کے مخلوق کا آ جائیں حضورﷺ،،،،

آ کے فرمائیں فرشتوں کو یہ جھگڑا کیا ہے۔۔۔۔

یُوں کریں عرض فرشتے کہ گنہگار ہے ایک،،،،

ہم یہ کہتے ہیں اِسے، اب تیرا منشا کیا ہے؟۔۔۔۔

میں جو سٙرکارﷺ کو دیکھوں تو پکاروں واللّٰہ،،،،

ایسی سرکار کے ہوتے مجھے خطرہ کیا ہے۔۔۔۔

سُن کے فرمائیں محمدﷺ، میرے دیوانے کو!،،،،

چھوڑ دو چھوڑ دو! اب اِس پہ تقاضا کیا ہے۔۔۔۔

اعظم اُس رحمتِ عالٙم کی محبت دیکھو،،،،

جس کی اُلفت ہو اگر دل میں تو کٙھٹکا کیا ہے۔۔۔۔

(اعظم چشتی)

نوٹ :

غٙوغٙا : (شور، آوازیں، جھگڑا)۔

جمگھٹّا : (مجمع، رٙش)۔

مٙنشا : (رائے، مرضی)۔

(اِبنُ الاٙشرٙف💓)